成日都聽到每日最好瞓足8個鐘嘅講法,大家平日又習慣瞓幾多個鐘呢?其實人喺睡眠不足嘅狀態下,除咗會無精神,亦會令情緒會變得特別差。外國就有研究指出,女性比起男性更易受到睡眠不足嘅影響,分別就在於兩者嘅大腦結構!
索立大學睡眠研究中心、新加坡杜克大學醫學、英國赫爾大學及劍橋大學共同進行研究,當中揾嚟34名男女作為實驗對象。團隊要求佢地喺非慣常嘅時間睡覺、起身,觀察睡眠習慣嘅改變會點樣影響佢地嘅表現。
團隊喺研究對象清醒嘅時候測試佢地嘅疲累感、記憶力以及準確度。結果顯示當睡眠習慣被改變時,女性嘅表現會比男性遜色,而女性荷爾蒙亦更容易出現變化。
英國睡眠研究中心主任吉姆·霍爾納教授指出,女性喺睡眠不足嘅時候,會更容易出現不安憤怒等負面情緒。另外,女性嘅大腦結構較男性複雜,所以會更容易出現疲倦嘅感覺,亦因而需要更多時間俾大腦休息。所以女性所需嘅睡眠時間,係比男性更多咖!
Tags: Homita新鮮事
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like