香港人步伐急促,喺街上面行得慢少少都會俾人睥住,所以人人都係急急腳咁行。成日都聽人講話「走得快,好世界」,但就有研究指出,步速能反映出人嘅性格,行得快嘅人會更易出現緊張、失落等較為負面嘅情緒,亦即係話行得快唔一定係件好事!
今次嘅研究係由The Journal of the American Medical Association(JAMA)發表,當中指出人係會按照自己嘅生活節奏,為自己選擇一個最合適嘅步速,由此就可以見到一個人嘅性格,以及佢嘅快樂指數。
行得較快嘅人比較心急,一心想盡快到達終點。只要喺路上出現阻礙到佢嘅野,例如轉換嘅交通燈訊號,就會令佢產生煩躁感。呢一種人喺日常生活中會容易出現緊張情緒,亦較常發脾氣。長期落嚟會產生比較負面嘅思想,進而令快樂指數下跌。
而識得放慢腳步嘅人就會有放鬆嘅心情,即使遇到阻滯,亦可以用從容心態去面對、耐心等待,唔會輕易地發脾氣,所以快樂指數就會比行得快嘅人高。各位不妨學習放慢自己嘅步伐,令自己嘅心情保持愉快啦!
Tags: Homita新鮮事
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like