管理財富同維持身材一樣,都令唔少人頭痛。但點都估唔到,原來兩者係有關連咖!有研究指出,具有良好理財習慣嘅人普遍會有更加好嘅身材,腰圍亦更幼,而且呢種現象只可以喺女性身上見到。各位女士想成功減肥嘅話,就要學識管理自己嘅錢財啦!
今次嘅研究係由紐卡素大學進行,當中收集咗15,591位英國成年人嘅資料,包括佢地嘅收入、工作、生活習慣以及社交關係,並以BMI、腰圍以及體脂肪率為準則,去分析佢地身材,之後再以問卷形式去了解研究對象嘅理財習慣。
研究結果顯示,識得儲錢嘅人嘅腰圍較幼,比唔識得儲錢嘅人幼約3cm,體脂肪率亦會低1%,而呢種理財與身材嘅關係喺女性嘅身上會更加明顯!
其實背後嘅原因都好易理解,因為會儲錢嘅人更會計劃好自己嘅生活,自然就會更加關注健康,所以身材管理方面都會做得更加好。另外,學歷都係其中一個因素,因為越高學歷就會令人越優秀地掌握理財知識,亦更識得管理自己嘅身材。
女士們可以先學好理財方法,管好盤數同時可以輕易地維持好身材!
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like