對於忙碌嘅香港人而言,短短5分鐘可能只夠煲水泡個杯麵,但自從中環灣仔繞道通車後,5分鐘足以由中環直達「北角匯」極速拋開煩囂享受美食及生活。大賣精緻日本鐵板燒菜餚嘅全新餐廳「喜之次居酒屋」(5/F)將傳統日式料理風味融入鐵板燒及壽司元素,菜式選擇比傳統居酒屋更豐富。
甫入充滿日式傳統居酒屋格調的餐廳,立刻被鐵板燒肉香及海鮮香吸引,鐵板枱及壽司吧為必影打卡位,食客可近距離觀賞師傅清脆利落嘅刀功與傳統鐵板鬼斧手藝,師傅由手切、煎、炒、焗,以至擺碟均極為講究,堪稱為「吃の藝術鐵板秀」。
餐廳供應多樣化嘅傳統日式料理,刺身、壽司、燒物、炸物以及飯麵都一應俱全。單係刺身及壽司選擇已逾三十款,包括新鮮程度滿分,教日本老饕有「家的感覺」嘅北海道馬糞海膽及吞拿魚腩,餐廳特派專員嚴格挑選嚟自日本北海道及青森區域嘅海鮮食材,確保時令肥美。鐵板燒款式選擇亦不遑多讓,主打日本A5宮崎和牛、伊勢海老(龍蝦) ,以及來自日本嘅鮑魚及象拔蚌,仲有帆立貝、紐西蘭羊架及鹿兒島豚肉等等,全部都喺鐵板上即叫即燒,秘製獨門醬汁不但無搶過和牛海鮮嘅味道,反而著重提升新鮮食材嘅內在美(原有鮮味)。牛魔王至愛A5級和牛霜降油花紋理縱橫交錯,細緻有序,宛如雪花飛舞,油脂豐腴甘香,入口即溶,雪中漫步嘅幸福感驟然飄來。
除咗日式鐵板燒及壽司,為食一族仲可以選擇專攻無敵靚海景宴會嘅新派粵菜「明珠海景」(5/F)及「維港廳」(5/F)、專研鮑參翅肚矜貴菜式嘅「文華軒」(2/F)及專賣海鮮水晶鍋嘅「玉壐軒」(2/F)等粵菜,歎盡覽維港迷人景色下嘅美酒佳餚!而中日火鍋「天藍」(3/F)亦快將開業。