日本數碼藝術團隊teamLab近年為大家帶嚟唔少驚豔嘅展覽,引起一陣搶票熱潮。最近團隊喺日本東京豐洲打造出超巨大沈浸式空間「team Lab Planet TOKYO DMM.com」,令遊人能夠置身於水中參觀,係一間破格美術館!
今次展覧以「身臨其境/Body Immersive」為創作概念,以4個作品空間作為中心,展出項作品。作品意念係希望遊客可以將自己嘅身體沉浸喺作品空間當中,令到自身與作品嘅界線模糊起嚟,從而引發大家重新審視自己與世界嘅關係。
場內最曯目嘅作品就應該係「錦鯉與人共舞所描繪之水面圖—無限」啦!於無邊際嘅水中遊走嘅鯉魚會因應着遊人嘅存在及動作、其他鯉魚嘅游走軌跡而出現各種各樣嘅彩繪線條,令到作品無時無刻都處於變化當中,係具備即時互動性嘅藝術裝置。所有影像都係實時展現,所以再靚嘅場景都係無法再現咖!
團隊特別因應季節嘅變化,喺作品中加入當季花卉嘅元素。作品嘅春季期間限定版本會由3月起至到5月31日展示喺大家嘅眼前!喺呢段期間,大家可以見到燕子花、瑞香、杜鵑等等嘅春季花卉喺人們嘅碰撞下產生變化,形成彩繪。
チームラボプラネッツ TOKYO DMM.com
地點: 東京都江東区豊洲6-1-16 teamLab Planets TOKYO
開館時間: 平日 10:00~22:00、星期六、日、假期09:00~22:00
* 最終入館時間為閉館前1時間
休館日: 3月7日(木)、4月11日(木)、5月9日(木)
購票處: https://teamlabplanets.dmm.com
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like