成為社會人士之後,大家就唔可以再按自己嘅心意自由行事,要學識得妥地處事。假如希望自己嘅仕途平坦,就更係需要圓滑嘅社交手腕,經營好人際網絡。最近就有網友分享成年人嘅社交禮儀,相信睇完之後你亦都會有同感!
#不要隨便下承諾
人無完美,當然就唔可能乜野都精通啦!喺職場上時不時都會收到嚟自不同人嘅請求,但千萬唔好全部一口氣答應。隨口嘅承諾會令人帶有期待,假如之後無法做到嘅話,反而會令人產生失望感,甚至令事情發展得更差。學會婉拒嘅藝術就好重要啦!
#時刻保持禮貌
禮貌喺細細個嘅時候已經學起,但到現實生活時,唔少人都係未有養成待人有禮嘅習慣,簡單如「多謝」都未必會講。投身社會總會遇到拜託他人嘅情況,想為他人留下好觀感嘅話,就要記住加返句「多謝」,以示禮貌。
#睇相禮儀
與他人相聚嘅時候,唔少人會直接將手機交到他人手上,分享有趣嘅照片。大家一定要謹記,千萬唔好喺睇相嘅時候於手機上左劃右劃!手機持有者只係打算分享該張相片,再劃去睇其他相片,無疑係侵犯私隱嘅行為。所以係必需避開嘅地雷!
#不滿要藏於心底
入咗社會,少不免會遇上令人不禁狂反白眼嘅情況,但當面表露出自己嘅不滿並唔係一個理智嘅選擇,最後可能會令自己嘅處境變得更加惡劣。因此,大家要學習忍耐力,將不滿藏於心中,私下表現不甘情緒。
#避免敷衍回應
好多人都會以一個「嗯」字去表示自己明白對方所講嘅說話,但呢種回應會俾人一種唔想理、敷衍嘅感覺。所以大家喺回應他人嘅時候,最好都係用返「明白、好嘅、我知道啦」呢一類句子,咁就顯得更有禮貌啦。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like