嚟到春天,潮濕天氣又返嚟啦!次次洗衫都要晾好耐先可以乾透,但又唔係人人都有乾衣機,到底有咩方法可以令啲衫乾得快啲呢?小編特意為大家揾嚟4個方法,令衣服喺潮濕日子可以快速地乾透。
#乾毛巾吸水
將乾毛巾包裹喺濕衣服入面,再將兩者同時捲起,擰到無水滴出嚟為止。咁就可以利用毛巾將衣物上嘅水份吸走,亦唔洗擔心擰出嚟嘅水分被衣物吸收,有效加強脫水效果啦!
#衣架彎曲法
將鐵絲衣架兩端,約1/3嘅位置向前彎曲,就可以令衣服內部呈打開狀態地掛起,從而避免衣服前、後貼埋一齊嘅狀況。當衣物內圍嘅空氣流通度提高咗,就自然能夠加快晾乾速度。
#熨燙
當你真係好着急要用一件衣服嘅話,最好就當然係熨乾佢啦!但喺熨衫嘅時候,就要喺衣物上面加蓋一塊布,以免喺過程中令衣物出現損傷情況。
#風筒熱風法
假如係比較細小嘅衣物,就可以利用呢個方法去加快乾透所需時間。先將衣物放入膠袋中,然後再將風筒口放於袋口,握緊後就打開風筒向內吹送熱風。熱氣會喺膠袋內進行循環,達到加快吹乾衣物嘅目的。但要記住唔好長時間使用風筒呀!
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like