「MGCY明歌知欽」(簡稱:明歌知欽)一直關心社會,除咗成立明歌知欽慈善基金長期進行慈善及義工服務之外,與一般流行曲多以愛情為主題相比,明歌知欽每次推出嘅歌曲均以勵志正能量為題,鼓勵大家積極生活,把握機會及珍惜身邊人。
續「120歲的人」三部曲音樂計劃後,明歌知欽再次與張家誠合作,「父母」由張家誠作曲,小優作詞,MV更請嚟入圍香港電影金像獎最佳女配角寶珮如小姐扮演母親。MV故事環繞父母與女兒的故事,女兒出生前確認患有再生障礙性貧血,但父母尊重生命,決定將女兒生下來。
其後女兒慢慢成長並投身社會,與很多子女一樣,年輕的時候總會扭曲咗愛嘅意義,認為父母嘅關心係囉嗦,而且亦因不同因素忽略與父母相處及交流嘅機會。直到女兒某日回家發現母親 (寶珮如飾)患病,才知道母親亦患有再生障礙性貧血。女兒才突然醒吾,悉心照料母親,可惜一切已經太遲。雖然母親去世,但女兒卻因此了解珍惜眼前人的重要,亦和父親一同拜祭母親,道出父母先係對自己最重要嘅人。明歌知欽希望透過此MV,提醒大家活在當下,珍惜眼前人,唔好到將要失去先發現某人與事嘅重要性。
隨著新歌MV的推出,「MGCY明歌知欽」亦密鑼緊鼓地籌備佢地嘅第三次演唱會 - 「明歌知欽光輝123演唱會」一如以往,演唱會將再次喺新光戲院大劇場舉行,而且全數收益及贊助將會在「零」行政費用嘅方式,全數捐贈香港肝康會及明歌知欽慈善基金,由於明歌知欽成員黃品逢嘅父親,早於黃品逢十歲時,佢嘅父親亦因肝癌逝世,深明肝癌帶嚟病患者整個家庭嘅傷害,所以決定伸出援手,希望能為肝病病患者送上關懷。
明歌知欽光輝123演唱會
日期:2019年5月25日(星期六)
時間:8PM
地點:新光戲院大劇場