踏入春季,空氣變得份外潮濕,令人不禁產生煩燥感!呢個時候不妨改變一下家居風格,利用精緻而簡約嘅小清新設計,掃走天氣變換帶嚟嘅不適感,同時可以轉換情緒,令家居氣氛變得更好!
#純白與淺色系搭配
白色向來都係簡單潔淨嘅代表,可以話係簡約風格中嘅常見顏色,但只有白色又似乎過於單調,以其他淺色系作為搭襯就係個唔錯嘅選擇。喺風格上依然可以維持純淨簡潔嘅感覺,亦都為設計帶嚟更多層次,帶嚟滿滿嘅治癒感!
#簡約收納空間
想打造小清新感覺的話,就要好好注意一下日常用品嘅收納!因為物品放置不當會嚴重影響視野觀感,令人覺得家居異常凌亂。所以大家不妨利用層架、設計簡潔嘅收納家居去幫手,令屋企變得井井有條。
#植物點綴
一片淺色嘅家居似乎過於平凡不起眼,綠色小植物就能夠為家居加添生氣,同時又符合小清新風格,唔會破壞家居和諧感。時不時替小植物換位,更係可以為家居帶嚟不一樣嘅感覺,新鮮感十足。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like