又到聖誕！新鴻基地產旗下新都會廣場耗時三年嘅全面優化正式峻工，喺今個聖誕閃亮登場，配合聖誕氣氛，特別打造「星願聖誕」。
露天廣場貫穿商場三樓至五樓，穿過星光長廊後，梯田式嘅花圃映入眼廉，兩邊仲設有花系自拍牆，用鮮花締造特別嘅秘密花園。
過萬朵紅色聖誕花同粉嫩花朵編織成震撼嘅聖誕花海，大家仲可以隨意坐係草地上同佢地融為一體；配合日籍花藝大師道後玉嬋打造嘅7呎巨型聖誕迎賓松果花環，日夜都有唔同嘅節日氣氛。
除戶外嘅聖誕花圃，仲有用逾萬粒LED星星燈打造全港首棵流星許願樹，18呎高嘅流星許願樹每個鐘都會上演音樂燈飾匯演，許願樹上嘅星星會隨著音樂產生色彩變化，好似流星雨咁。
同場仲有夢幻摩天輪比大家影相；一旁嘅車廂入面仲有橘子花果香，令人感到特別放鬆，用香味營造出幸福嘅聖誕感覺，聖誕節就要去新都會廣場行吓啦！
「星願聖誕」
日期：由即日起至2018年1月1日
地點 : 新都會廣場
Tags: Homita本地遊
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
