穿過姬沼橋途中可以望見兩旁的島內景致,一路上微風迎面,舒適得使人將壓力放下。去旅行通常都冇咩機會做運動,但日日都食食食就唔係人人都頂得順,難得黎到遠離煩囂既利尻島,踩下單車吸下天地靈氣,成個人都fresh哂!利尻島設有官方單車環島路線,全長24.9km,平日做開運動既人可以挑下機。利尻島下船的碼頭附近就有租單車的店鋪,設備問題亦無須擔心。今次小編小試牛刀,試踩其中一段單車路線,由姬沼橋出發至野塚展望台,沿路平坦,即使係單車初心者亦可輕鬆完成!到達野塚展望台,可以望到鴛泊港和遠處白色的燈塔。據稱這裡亦是觀賞日落的好地方,切記預算好時間出發,欣賞大好景色。一路往前會看見利尻山,而利尻山的特別之處就是——它就是白之戀人包裝上的那座山!前往沼浦展望台的話,更可拍出和包裝上一模一樣的山,所以又稱為白之戀人之丘。
姬沼橋完全符合影文青相條件,到時落車影到夠先再繼續踩。
沿海的單車路線上回望利尻島,如畫的景色令人不自覺心靈也平靜下來。
姬沼橋後方,就是鼎鼎大名的姬沼,同樣景色迷人,萬勿錯過。
利尻富士町觀光協會
地圵:北海道利尻郡利尻富士町鴛泊字富士野6
電話:0163-82-1114
※有關利尻富士町内的旅館及酒店租借、單車租借及費用等,請向觀光協會查詢。
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like