河津櫻係每年係東京近郊最早開花嘅櫻花品種，由2月頭開始，約有一個月嘅花期比大家去賞櫻。同日本其他品種嘅染井吉野櫻相比，花瓣顏色更濃更大，除此之外，佢嘅特色係開花早，花期長，想快人一步賞櫻就唔好錯過啦！
由2月初開始，大家都可以去著名嘅「河津賞櫻大道」賞花，「河津賞櫻大道」總長約4公里左右，始於河津河口，終於河津車站。大家可以沿路漫步，感受早來嘅春天。
河津櫻祭最具特色係櫻花樹步道兩邊嘅小檔攤，連綿長近2公里，可以係度買到好多唔同嘅商品，例如茶葉、小食、櫻花菓子同水果蜜柑等等，應有盡有，可以親身體驗一下日本嘅風土人情。
日頭除咗賞櫻、逛街，仲可以係沿途中去浸下免費嘅「足浴」緩解一下疲勞。
夜晚仲可以去賞夜櫻，係夜色之下櫻花被燈光映照著，同日頭完全係兩件事黎架！
黎河津賞花，與其走馬看花，倒不如花個2日1夜慢慢玩，因為由東京來回車程夾埋都差唔多用咗6個鐘，即日走又會錯過夜櫻嘅美景。建議大家可以喺附近住一晚，入住溫泉酒店都係一個唔錯嘅選擇。
大家可以係日本網友嘅影片感受一下櫻花祭嘅盛況。
All photo via http://www.kawazu-onsen.com/cht/
Tags: Homita去旅行
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
