北海道農作物聞名全日本，除了代表性的馬鈴薯以外，其實北海道亦有許多農家開設果園種植水果，並開放予遊客入場體驗採摘水果，有得食又有得玩，何樂而不為呢！平日計劃去有採摘體驗的果園，最怕就是果園開放期太短，想去的日子對不上，因為大部份果園一過水果的當造季節就會閉園休息。位於增毛的丸善佐藤果樹園就可以避開這個煩惱，園內種植櫻桃、藍苺、葡萄、蘋果、梨等多種水果，果園的開放期亦相對較長，無論何時前往都可以品嘗到不同的鮮甜水果。最難得係果園採取無時間限制任摘任食，大啖大啖食日本水果既機會黎喇！

手把手教你摘水果

入到果園內亦唔需要擔心無從下手，園主佐藤先生會教路點揀點摘先好食。這次小編採訪時正好遇上葡萄的當造季節，佐藤先生就指出整串葡萄最甜頂部，所以當摘尾部的葡萄都足夠甜時，就證明整串葡萄都甜。當然作為一個有良心的遊客，只摘最頂部的葡萄這種行為是大忌中大忌。而且記得要食得曬先好摘，唔好摘完又做大嘥鬼喇！

園內有出售自家製100%純果汁，數百日圓就有交易。

當時園內除葡萄之外，仲有藍苺、梨子等水果可以採摘，咁就唔怕單食一種水果會膩啦！

就算摘多咗買走都只係6、700圓一串，非常抵食。

摘多了又吃不完如何是好？答案是只好乖乖付費帶回家繼續嘆！

丸善佐藤果樹園
地址：北海道増毛町暑寒沢256
電話：0164-53-1559
開放時間：9:00am-5:00pm
定休日：每年只開放7月上旬-12月中旬，期間無休
交通：從札幌駕駛約2小時
網址：http://maruzen-satokajyuen.o.oo7.jp/index.html