其實很多Homita都知道,底妝唔係得一個『白』字就夠,而係追求健康、乾淨、輕透,甚至最高境界就係好似無化過妝咁嘅偽素顏,讓人覺得你天生就咁靚。
呢個時候,校色底霜就可以幫到你。佢哋就好似一個調色盤,將你唔同嘅面部皮膚問題中和,而達到你希望嘅效果。因此,係購買同選用底霜之前一定要先了解每一種嘅用途,用錯可能會令面色更差喲!
黃色:提亮膚色
黃色係整體提亮,推開後顏色會非常貼近我哋原本膚色,所以非常自然。比較適合緊急修飾捱夜之後暗沉嘅面色。
粉色:改善蠟黃
粉紅色可謂最適合亞洲人嘅校色底霜,改善暗沉、蠟黃,令皮膚白裡透紅。睇上去非常健康。小編自己最常用呢款粉紅色校色底霜。如果唔需要遮瑕,我擦完遮毛孔嘅底霜後再擦粉紅色嘅校色底霜,就可以完成底妝,非常自然,非常健康,效果甚至好過再上粉底。
紫色:整體變白
紫色款會比較啱面部比較黑黃有想美白嘅人使用,用完成個人白左一度。小編本人屬於黃皮,之前好追求變白,就好鍾意用紫色底霜。但要留意,條頸最好都要擦下,不然會有色差。
綠色:修正泛紅
有啲Homita會皮膚比較敏感,面頰處容易泛紅,就好啱用綠色嚟修正。當然,仲可以局部使用,就係搽係有暗瘡嘅位都可以起到局部遮瑕嘅效果。
當然,小編我最中意校色底霜嘅地方係,搽佢唔曬卸妝呀!好方便呀!
Scourse: Etude House
Tags: Homita愛美麗
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like
膚 Skin Care | by Y小編 | 7 years ago
妝 Cosmetics | by Y小編 | 7 years ago
妝 Cosmetics | by P编 | 3 years ago
妝 Cosmetics | by Angel | 3 years ago
妝 Cosmetics | by Angel | 3 years ago
妝 Cosmetics | by Angel | 3 years ago