當生活中遇到不如意時,小編最愛打開網頁搜索一堆可愛嘅狗狗照片,好好地治癒內心。每當見到小奶狗楚楚可憐咁望過嚟嘅時候,咩煩惱都無哂!唔係年齡歧視,但同狗狗們長大後嘅外貌做對比時,細細個果陣嘅可愛程度更勝一籌。到底點解會有呢種感覺嘅呢?
其實呢種並唔係你嘅錯覺,近期就有研究指出,狗狗喺6至8周大嘅時候正值佢地嘅可愛顛峰。而狗狗們咁可愛並唔係為咗賣萌咁簡單,因為呢件事關乎佢地嘅生死存亡!喺6-8月時,小狗就會被狗媽媽要求獨立生活,喺無外界照料嘅環境下,被迫流浪嘅小狗死亡率高達9成。
為咗生存落去,失去母親庇護嘅小狗就要向人類求助。但點先可以得到幫忙呢?答案就係賣萌啦!亞利桑那州立大學犬科科學實驗室負責人克萊夫·韋恩設計咗一個實驗,當中由51位實驗參與者為小狗嘅三個年齡段照片打分,希望揾出狗隻最吸引人類嘅時期。
實驗顯示小狗6-8月時外貌最為吸引,並不受狗隻種類影響。果時嘅小狗會有水汪汪嘅眼睛、軟萌嘅四肢,加上奔跑時嘅笨拙姿態,就自然能夠引發出人類嘅照顧本能。獲得人類幫助嘅小狗成功長大嘅機會就會更大啦!所以小狗賣萌都係迫不得已,一切都係為咗生存呀!
Tags: Homita毛孩子
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like