人人嘅握筆方式都唔一樣,而呢種不一樣其實都反映出握筆者係個咩人!印度網站就將大家握筆手勢大致分咗做三種,代表三種不同人格特質。一齊觀察下執筆動作,睇下自己係咩性格啦!
#筆夾於食指及中指之間
呢種人比較外向,結交新朋友就係佢地最喜愛做嘅事情,社交場合絕對難唔到你地。喺別人眼中,你地勇於表達自己嘅想法,亦相當具冒險精神及創意。雖然喜愛與他人交流,但你地亦希望可以擁有私人空間嚟做自己嘅事,並唔係一味喺熱鬧嘅地方消磨時間。
#筆夾於拇指及食指之間
呢種人個性温和老實,並出奇地為自己嘅呢項特質而感到自豪。平日做事相當穩重可靠,雖然對事物抱有好奇心,但就唔會因而失去分寸,做出令人心生煩厭嘅事情。喺別人眼中,佢地對世事存有好奇,係個極具想像力嘅人。
#食指包於拇指裏面
呢種人最渴望得到嘅就係愛啦!佢地好希望得到身邊人嘅理解,從而得到被愛嘅感覺同安全感。然而期望無得到回應嘅時候,就會容易諗埋一邊,並因而受到傷害。雖然渴望被愛,但呢種人唔會表露出嚟,反而會以一種酷酷嘅外表示人。
Tags: Homita心理測驗, Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like