秋天嚟喇，化咗成個夏天嘅果汁妝、珊瑚妝，係咪又想化返低調又迷人嘅大地色系呢？如果你嘅預算唔高，好多開架品牌嘅眼影都打造到秋日眼妝㗎，小編就想同大家分享五盒抵玩眼影盤，總有一款啱你心水。

1. L'Oréal Paris 香榭大道眼影盤

呢盒眼影嘅質地係奶霜狀，蘊含細緻珠光，仲有唔飛粉嘅獨特壓粉技術，顯色度高之餘好易暈染，輕鬆畫出日落秋楓妝！

2. EXCEL 裸色深邃眼影

大家第一眼睇落係咪覺得呢幾盒眼影好似冇分別咁呢，但其實呢個系列好貼心，令唔同膚色嘅朋友都可以化出適合自己嘅裸妝，打造一個好似冇化，但又精緻咗嘅眼妝～

3. REVLON 8色迷你眼影盤

有時想帶盒眼影外出旅行，又覺得擺喺袋度好佔空間？REVLON 8色迷你眼影盤就解決到呢個問題，佢只有手掌大細，帶佢出街好方便，但佢細得嚟又有好多色，可以打造唔同層次嘅眼妝。

4. heme 六色眼影盤影

heme呢盒眼影結合咗絲絨霧面、細緻珠光、閃耀亮片三種質地，雖然係開架品牌，但包裝都做得幾有質感㗎，而且內附眼影刷同眼線刷，令你輕鬆完成一個眼妝。

5. ZOEVA Caramel Melange

ZOEVA呢盒「南瓜盤」小編都好鍾意，佢有唔同深淺嘅配色，可以配搭出唔同嘅眼妝，尤其係佢嘅珠光色，一試上手已經心心眼！