今年農曆新年好多地方都主打狗狗主題佈置,德福廣場就獨樹一格,以港式懷舊為主題,仲請埋港產代表老夫子黎同大家過返個港式懷舊風嘅地道新年!
德福廣場將1期中庭嘅展覽區打造成「德福港式懷舊賀歲市集」,係度可以睇到好多老香港經典品牌,例如︰恆香老餅家、利苑酒家、龍門、美樂士多、寶記、東方紅、永泰行、上海陸金記瓜子大王、榮華、美心、英記茶莊及元朗大同老餅家等,其中美樂士多同寶記更會售賣多款懷舊汽水零食小玩具。
多個六、七十年代嘅打卡位,包括影樓、冰室、米舖、電車等等,大家可以同老夫子等角色逐個影相之餘仲可以買懷舊小食玩意同老夫子精品,帶大家返返去六、七十年代的老香港,共慶新春。
為配合主題及推廣香港傳統手藝文化,逢星期六、日場內仲會有師傅即場製作傳統手藝,包括:糖畫、彩虹書法,扇面書法、麵粉公仔,中國結及剪紙等。
2期仲有老夫子手稿真跡作品展覽同互動漫畫遊戲,仲有逾50幅「大小王澤」老夫子手稿真跡作品經典重現於香港島獨有嘅經典紅色電車入面,加上電車站、桃花同醒獅插圖佈置,成個場都充滿老香港嘅新年氣氛,大人小朋友都玩到唔捨得走呀!
除咗展覽之外,德福廣場仲會舉行快閃懷舊舞、新年巡遊等活動,大家Mark定時間去玩啦!
德福港式懷舊賀歲市集
日期: 1月22(星期一)至3月2日(星期五)
時間: 11:00nn – 10:00pm
地點:九龍灣德福廣場1期中央展覽場
老夫子經典手稿真跡作品展覽
日期: 1月22(星期一)至3月2日(星期五)
時間: 12:00nn – 10:00pm
地點:九龍灣德福廣場2期中庭
Tags: Homita遊香港
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like