相信唔少女仔第一次去日本都不外乎係去東京、大阪、沖繩、北海道等熱門旅遊地，但其實仲有一個地方係超推薦女仔去~就係島根啦！
島根係日本為稱之為「神話國度」，位於日本中國地區與岡山、鳥取、廣島、山口縣為鄰，係非常受日本人歡迎嘅國內遊地點。呢度唔止係本最古老史書『古事記』記載故事嘅主舞台，更吸引人嘅就係佢嘅超靈驗戀愛神社同美肌溫泉。
出雲大社每年都有約６００萬人到訪，香火真係非常頂盛。傳說中每年10月，全日本眾神都會聚集到出雲大社，討論人類嘅緣分，所以這是受眾神眷顧嘅結緣神社啊！
參拜完神社一定要購買神社內販售嘅「結緣線」。據說將此紅白絹線繫在衣服上或是作為手鐲佩戴的話，就可以與意中人結緣。
正所謂拜得神多自有神庇佑，去完出雲大社就要去玉作湯神社，呢度嘅「戀愛橋」係日本女生之間超出名！玉作湯神社自古以來都會製作一種擁有靈力，被稱為「勾玉」嘅配飾獻比天皇。
呢度仲有一顆名為「願石」的巨大石頭，當地人話只要係神社入面買「成願石」，用水洗淨後一邊觸碰「願石」一邊許願，神嘅力量就會轉移到成願石。將有神力嘅成願石放入小袋中盲可以製成自己專屬嘅特別護身符。
而「戀愛橋」位於玉作湯神社正面，真名叫做「宮橋」，傳說只要企係橋上同玉作湯神社鳥居影相就會戀愛成功，想出Pool嘅朋友一定要黎影返張美照啊！
玉造溫泉有「神湯」之美名，出雲地方史書內記載「一泡美膚，再泡治病。從來沒有對任何人失效過，因此人們將此溫泉稱為『神湯』」。而事實上亦有科學分析指出玉造溫泉內含有能夠保持肌膚滋潤的成分，係「天然化妝水」，越浸越靚！
而且呢度周圍都可以租到浴衣，浸完溫泉著住浴衣去溫泉街散步感覺好似穿越到古日本一樣。
係求咗戀愛運、浸咗美膚池之後，就要去八重垣神社占卜下自己嘅戀愛運。呢度係日本神話中英雄須佐之男命同妻子稻田姬命結婚後嘅住所，作為結緣之神而受到人們喜愛。
係八重垣神社入面有座佐久佐女之森，係呢片神秘森林深處有個鏡池。你會見到唔少女性圍住個鏡池係咁睇，佢地唔係欣賞緊美境，而係占卜緊自己嘅戀愛運喔！
將占卜用紙放係鏡池中漂浮，輕輕放上硬幣，如果15分鐘內紙張沉沒，戀愛可以早日實現！但如果超過30分鐘先沉沒，就要等一等先有戀愛運。據說如果係於自己附近沉沒，你嘅戀愛對象就會係你身邊嘅人，如果沉沒係比較遠嘅地方，你嘅戀愛對象就會係遠方嘅人喔！
係出雲大社正門仲有「勢溜大鳥居」，除咗係入面食下嘢、買手信，一定要去「御緣注連繩體驗工房」，使用同出雲大社注連繩一樣嘅繩去整出自己獨一無二嘅注連繩，一定會更加可以保你幸福。
香港其實有直航航班去島根嘅米子機場，不過班次真係好少，唔想轉機嘅話～大家都可以搭去岡山再轉電車或者巴士去島根。
