AMOREPACIFIC一支底霜防曬修護加調色！？

膚 Skin Care | by Coco | 6 years ago

夏天為大地帶嚟毒辣嘅太陽，相信唔少女士都心有同感。明明只係出一下街啫，返到嚟就己經黑到成舊炭咁，真係好令人好頭痛。為咗解決大家嘅煩惱，我就嚟推介一款集防曬修護同調色於一身嘅底霜俾大家啦。

AMOREPACIFIC今個夏天研發咗全新Double Air Sun Protector SPF 50+/PA+++ 輕透防曬底霜。佢用咗專利Double Air 嘅技術，等防曬底霜由容器釋出果陣通過Air Net空氣隔層，就好似打空氣入底霜入面，有更加細緻輕盈嘅質感。另外，呢款底霜會係塗抹嘅瞬間同肌膚自然融合，又唔會好似普通太陽油咁黏膩，仲可以透出自然嘅水亮光澤。

除此之外，當然唔少得高度防曬效能啦。當中嘅棉花萃取物可以強化肌膚嘅天然保護屏障，係皮膚表面形成防塵保護膜，抵禦外界環境帶嚟嘅傷害。而白樺萃取物就可以修護因為紫外線而變得脆弱嘅肌膚，保持肌膚係健康狀態。呢款底霜嘅主色調係粉色，除咗等女士們可以自然咁修正膚色之外，仲可以令肌膚更明亮光澤，改善膚色暗沉嘅問題。

有咗呢一款底霜之後，就算個太陽再猛烈都可以用一個清新嘅妝容迎接夏日啦！

Tags: homita愛美麗

如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？

Author Information