米飯可以話係我地日常飲食中不可缺少嘅一部分，而每個人對米飯嘅口感都有各自唔同嘅追求。要滿足每一個人嘅要求確實不易，但只要用日立推出嘅全新壓力、蒸氣IH電飯煲，人人都可以煮出為自己嘅口味度身訂做嘅米飯啦。

呢個日製電飯煲到底有幾厲害呢？佢擁有可以精確調節嘅高火力，以1.2大氣壓力加上105°C高溫蒸氣，再配合獨特嘅鋁合金熱噴塗鐵鍋達到高傳熱效力。電飯煲會以最高火力煮出美味白飯，再利用壓力同高溫蒸氣將米飯保持係98°C以上蒸煮最少20分鐘。咁樣就可以提高米飯嘅鬆軟感，令你可以輕易煲出好味靚飯。

RZ-W3000YH仲為烹煮白米而專門設計咗3種煙韌程度俾用家選擇，可以配合軟、硬、適中3個水位組合，從而烹調出9款唔同軟硬嘅米飯口感。無論當日想要邊種米飯口感，你都可以按自己嘅心水進行微調。除此之外，佢仲設有毋須供水嘅自動蒸氣循環裝置，不時傳送蒸氣，為米飯保溫同保濕。呢一點就好啱繁忙嘅香港人啦，就算你夜咗返屋企食飯，都可以品嚐到同新鮮煮好嘅米飯無分別嘅好滋味。

呢個電飯煲亦預設咗多種烹調模式，包括炊煮白米、免洗米、糙米、發芽糙米、雜穀米、Risotto及粥等。另外，你亦可以用佢嚟蒸煮又或者係焗蛋糕，咁就隨時都可以煮出新意啦。

煮完就當然唔少得要做清潔啦。呢款電飯煲亦好貼心咁考慮到呢一點，並為此特別設計咗不鏽鋼邊框同可拆式蒸氣蓋，令你可以徹底拆除多個組件，方便擦拭同時亦更加衛生。

一個電飯煲就可以滿足你咁多個願望，咁就當然要帶佢返屋企用啦。日立電飯煲RZ-W3000YH絕對可以令米飯升到另一個更高嘅層次，令你有迥然不同嘅舌尖享受！