喺香港嘅街頭上唔難見到台式飲品店嘅蹤影,有咁多間都唔知去邊間飲先好。今次就等我介紹一間正宗台式飲品店俾大家,等你地即使身在香港,都可以品嚐到台灣味道啦!
圓圓Double Bubble係由圓圓呢一位台灣女生主理,喺一年前佢由台灣遠嫁到香港。因為時常掛念台灣,佢決定將家鄉味道帶到嚟香港同大家分享。為咗做出地道滋味,當中嘅原料有90%以上都係嚟自台灣咖。
當中不得不提嘅就係圓圓系列當中嘅珍珠啦,當中分別有黑糖珍珠同黃金珍珠。其中黑糖珍珠係每日限量咁手工熬煮2小時,令珍珠充滿咗濃厚嘅黑糖味,可見店主真係落足心思咖。啲珍珠食落好有咬口,又煙韌。去點飲品嘅時候絕對唔可以錯過呀,包你忍唔住食哂啲佢地。
店主真係好努力同堅持將記憶中嘅味道呈獻俾大家,等你地唔洗去台灣都可以飲到正宗飲品。各位行街經過深水埗果陣,不妨買返杯返嚟飲呀。
圓圓 Double Bubble
電話:6886 2131
地址:深水埗欽州街74號A 3號舖 (西九龍中心對面)
Tags: homita為食家
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like