保養從來都無分年齡，千祈唔好恃住自己係年輕人就偷懶唔護膚呀。20歲左右時嘅肌膚好多時都受生痘痘、出油、乾燥等等問題困擾，但護膚經驗不足就好易令問題得唔到改善啦。咁年輕女士喺保養皮膚時又有咩要注意呢?

#正確使用面膜

年輕人嘅肌膚比較嬌嫩緊致，為免刺激臉部肌膚，含有酒精、果酸等成分嘅面膜就唔好敷得太多啦。含有玻尿酸成分嘅面膜就係個唔錯嘅選擇，佢嘅超強鎖水能力可以維持皮膚彈性，減少皺紋產生。敷完面膜要記得趕緊搽上乳液或乳霜鎖住水份，保濕才算大功告成。

#保養手部與頸部

呢啲部位係平日會露出嘅，可以話係反映真實年齡嘅區域。因為臉部、手部同頸部肌膚長期曝露喺陽光空氣當中，所以每天要做全面徹底清潔。當然亦唔少得滋潤及保濕，避免肌膚變得暗啞粗糙。

#多食用抗氧化食物

平日要食多啲葡萄、番茄、紅石榴、櫻桃、黃瓜等，呢啲含有最強抗氧化劑多酚類物質嘅食物。肌膚因為受到日曬同輻射，會產生大量自由基令肌膚氧化衰老，所以抗氧化一刻都唔可以鬆懈。多食抗氧化食物，亦可以促進肌膚嘅新陳代謝。

#清潔皮膚

唔好以為朝早洗咗面，到夜晚就唔需要洗面。因為灰塵、油同汗，都會殘留喺你嘅面上，所以晚上絕對唔可以偷懶。如果唔清潔臉部就去休息嘅話，粉塵就會進入臉部，並撐大毛孔，仲會令痘痘出現。