唔知大家平日有無飲茶嘅習慣呢?有研究指出飲荼其實對我地嘅健康有唔少益處,包括改善血糖代謝,以及促進細胞活性。但飲茶其實都有學問,飲得唔正確不單只無助健康,仲分分鐘會傷身。一齊睇下有啲咩要注意啦!
#濃茶
濃茶當中含有大量咖啡因及茶鹼,呢啲成份會對腸胃造成極強嘅刺激性,更有可能引起身體不適,如失眠、頭痛等。嚴重嘅話,仲有人會產生嘔吐感。另外,喝濃茶耐咗嘅話,仲會對骨頭造成傷害,令你嘅髖骨更易骨折。
#久泡茶
飲茶嘅時候一定要好好掌握沖泡時間,因為沖泡時間過長不但會影響茶嘅味道同賣相,令顏色黯淡、味道變差,更會令茶葉中嘅維生素、氨基酸等因氧化而減少,咁嘅話茶嘅營養價值就會大大降低。
#生茶
生茶係指殺青後不經揉捻而直接烘乾嘅烘青綠茶。呢種茶所含嘅成分與鮮葉所含嘅基本相同,帶有嚴重嘅生青氣。生茶會對胃黏膜造成刺激,容易引起胃部不適,產生胃痛,所以喺飲茶嘅時候一定要注意呀。
#焦味茶
假如茶葉喺製作過程中被烘烤過度,茶就會產生焦味。呢種茶葉當中嘅營養成分及決定茶葉味道嘅成分已經受破壞,甚至仲有可能含有一定嘅致癌物,對身體不但無益,更係有害。
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like