話咁快又嚟到年尾啦,秋冬天氣乾燥,為咗保持皮膚嘅水潤,唔少人都會選擇用加濕器幫手,為周圍嘅環境加添返啲濕氣。但你又知唔知用加濕器都係有學問嘅呢?一齊睇下用嘅時候有咩要注意啦!
#每日清洗好重要
經加濕處理嘅空氣係會被人體吸入,所以加濕器嘅清洗就好重要啦!洗嘅時候可以用一般肥皂同埋温水嚟擦洗加濕器嘅水槽,以確保內部嘅雜質都被清除。具刺激性嘅化學清潔劑反而唔係個好選擇。
#以蒸餾水進行加濕
加濕器入面用咩水都係關鍵。無論係消費品安全委員會定係環保署,都係一致建議大家用加濕器時使用蒸餾水,唔好用自來水。咁樣做係為咗避免水中嘅有害微生物進入你吸嘅空氣當中,以免引發呼吸道問題。
#絕對不可長時間使用
千祈唔好因為太乾燥而長時間使用加濕器呀,田為空氣濕度過高同樣係會令你嘅呼吸道系統同埋粘膜產生不良反應。所以用嘅時候一定要注意時間,並且要喺保持良好通風嘅環境下使用,以免濕度過高。
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like