大家有無捱夜嘅習慣呢?無論係玩手機定真係有要事處理,捱夜都係會令人第二日覺得好攰,無哂精神。如果習慣喺第二日嘅朝早補眠嘅話,就會打亂哂成個生理時鐘,搞到你個人更加攰。所以捱夜都有原則要守咖,一齊睇下啦!
#避免通宵
捱夜最忌捱通宵,一般嚟講,凌晨2點到4點係身體最攰同埋最需要休息嘅時刻,所以點捱法都唔好超過呢個時段,以避免身體會過度疲勞。
#第二朝曬太陽
雖然係好困難,但第二朝最好都係按返正常時間起身!咁樣係想防止你嘅生理時鐘被打亂,而早起曬太陽就可以幫助身體保持清醒,令你回復返正常嘅作息。
#午間小睡
前晚唔瞓就自然會令第二日分外疲累,所以喺下午嘅時候就可以睡一陣。但要注意唔好瞓得太多呀,唔係嘅話就會影響夜晚嘅睡眠。
#夜晚按時入眠
唔好為咗補返前一日嘅睡眠而特登提早幾個鐘休息呀,因為咁做反而會引發失眠。所以按照返日常嘅作息時間就寢就可以咖啦。
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like