「人類係群體動物」，與他人保持溝通接觸係生命中不可缺少嘅一環，但無諗到原來陪伴對人類真係好重要！《劍橋大學心理醫學雜誌》嘅研究指出，孤獨嘅人出現心理健康問題，甚至失業率，都比一般人高出2倍！
呢項由英國倫敦大學進行嘅研究，以2332名生於英格蘭及威爾士嘅兒童作為研究對象，於參與者18歲時進行孤獨感評估，就生活習慣、身心健康、教育就業等方面進行訪談。
研究發現喺感到孤獨嘅參加者中，有25%係處於未有上學或就業，亦未有參與任何培訓嘅狀態，而未有感到孤獨嘅參加者中，只有10%人處於未有就學就業。
結果顯示，孤獨嘅年輕人會有更易失學或失業，亦更傾向吸煙或沉迷使用電子產品。另外，佢地嘅精神健康亦比一般人差，出現焦慮憂鬱、自殘自殺嘅可能性高出兩倍之多。
其實孤獨係種相當個人嘅感覺，只要目前嘅狀態令你覺得舒服自在就可以。當然亦要關心一下身邊嘅人，發現朋友因為寂寞而出現困擾嘅話，就主動問候下對方啦！
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
