臨近夏天,唔少女士都已經開始咗節食計劃,希望趕上喺夏天嚟到之前成功瘦身。但減少正餐食量,就自然更易覺得肚餓,開始嘴饞想要食零食。不想計劃被毀的話,不妨用以下四款低脂小食去解饞呀!
#米餅
節食餐單通常都淡而無味,令人更加想食較為香脆嘅食物。但呢種零食多數都極高熱量,而日式無鹽米餅就係一個更加好嘅選擇啦!佢係由全穀麥製造,而且熱量低,喺減肥時期當零食就最好不過。
#紫菜
紫菜不單熱量低,當中更有豐富嘅營養價值,包括多種維他命、膳食纖維及礦物質。大家都知道紫菜含有大量碘質,能夠改善缺碘引發嘅問題。但要注意,市面上嘅紫菜零食都經過週味,熱量相當高,所以大家要選擇返低油鹽嘅款式呀!
#無糖希臘乳酪
希臘乳酪內含有大量蛋白質,可以為減肥人士補充餐單中缺失嘅蛋白質吸收。相較起一般嘅乳酪,希臘乳酪嘅脂肪含量較低,而且濃厚嘅質感可以增加飽腹感,非常適合瘦身人士食用。大家喺購買前最好留意一下營養標籤,選擇無糖嘅乳酪呀!
#枝豆
枝豆當中嘅纖維含量相當高,喺正餐前食就可以提升飽腹感覺,令大家喺正餐時食少啲。另外,血糖嘅上升速度亦得以減慢,仲可以降低膽固醇添。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like