人體有七成都係水份,想維持身體機能就要確保自己攝取足夠水份,除此之外,飲多啲水亦有助加快新陳代謝、幫忙排毒,令皮膚變得光滑,仲可以加強消脂效果。飲水固然係好處多多,但到底點飲先算係正確呢?
#細細啖飲
每當口渴嘅時候,都會下意識大大啖飲水,務求盡快擺脫口乾感覺。其實呢種飲法無辦法令細胞有足夠嘅時間去吸收水份,只會加快排尿速度,未能發揮到對身體最大嘅益處。
#飲暖水
香港人喜愛凍飲,即使係飲水亦都偏愛冷凍水温,尤其係炎炎夏日。其實暖水先對身體有益,可以促進腸臟蠕動。冰水對於腸胃、心臟唔好嘅人就會造成刺激,容易造成負擔。
#定時飲水
唔好以為要到口渴先飲水呀!其實應該養成定時飲水嘅習慣,為身體補充水份。另外,任何飲品都無辦法代替清水解渴,大家都係乖乖飲水啦!
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like