白雪糕係韓國年糕嘅一種，因為白雪糕整個糕身都「白雪雪」，好似雪一般純白乾淨， ，所以就叫白雪糕。有別於普遍韓國年糕煙韌口感，白雪糕口感似軟綿鬆軟嘅海綿蛋糕~ 韓國Cookat Market最近推出兩款芝士拉絲白雪糕 ，分別係車打芝士口味同芝士粟米口味！
韓國Cookat Market新推出芝士拉絲米糕，加入唔少牛奶，令白雪糕充滿牛奶香味~呢款白雪糕最大賣點就係多到滿瀉嘅芝士量，白雪蒸糕內夾滿半融車打芝士，啖啖香濃芝士味，將白雪糕掰開，就可以見到超長芝士拉絲，超吸引！米糕另有芝士粟米味，爆餡足料。
呢款芝士白雪糕食法簡單方便，先從雪櫃拎出白雪糕，將包裝撕一個小角，放入微波爐「叮」30秒，然後反轉再「叮」30秒。如果想有更強拉絲效果，可以望住芝士變化狀態酌量再「叮」多10秒~ 拉絲絕對係產品重點~ 望下多到爆出嚟嘅芝士！
呢款白雪糕採用獨立包裝，加上精緻包裝盒，買嚟自己食或者做手信都一流~
韓國Cookat拉絲芝士白雪糕
價錢：6,900韓元 / 一盒六件 (約港幣$45)
於韓國Cookat Market有售
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
